Бугун клублар ўртасидаги жаҳон чемпионатига қуръа ташлаш маросими бўлиб ўтди.

Мусобақанинг дастлабки босқичида Бирлашган Араб Амирликларининг "Ал-Жазира" клуби Янги Зеландиянинг "Окленд" жамоасига қарши тўқнаш келадиган бўлди.

Ушбу жуфтлик ғолиби чорак финалда ОЧЛ-2021 ғолиби — Саудия Арабистонининг "Ал-Ҳилол" клуби синовидан ўтади. Чорак финалнинг иккинчи жуфтлигини Мисрнинг "Ал-Аҳли" ва Мексиканинг "Монтеррей" жамоалари ташкил қилишди.

Либертадорес кубоги ва Европа чемпионлар лигаси мусобақалари ғолиблари клублар ўртасидаги ЖЧни ярим финалдан бошлашади:

"Палмейрас" (Бразилия) — "Ал-Аҳли" (Миср) / "Монтеррей" (Мексика)
"Челси" (Англия) — "Ал-Жазира" (БАА)/"Окленд"(Я.Зеландия) / "Ал-Ҳилол" (С.Арабистони).

Эслатиб ўтамиз, клублар ўртасида жаҳон чемпионати 2022 йилнинг 3-12 февраль кунлари БААда бўлиб ўтади.