Антонио Конте - ажойиб мураббий, лекин у футболчиларга нисбатан жуда талабчан. Гарчи «Тоттенхэм»нинг таркибини очиқчасига заиф деб аташ мумкин бўлмасада, италиялик мураббийга янги кадрлар керак бўлади.
Биз Нуну ишдан бўшатилганидан кейин Левининг ҳисобида қанча маблағ қолганини билмаймиз. Чунки у мураббийни шартнома тугашидан аввалроқ ишдан бўшатгани учун ҳам анчагина товон пули тўлади. Нуну учун ҳам бир нечта трансферни амалга оширганди. Аммо унда бошқа имкон йўқ, харажат қилиш муқаррардир. Хўш, жамоага кимлар келиши мумкин ?
Душан Влаҳович
Барча натижалар «Тоттенхэм» ушбу футболчи орқали кучайиши мумкинлигига ишора қилмоқда. Конте ва клуб спорт директори Паратичи А Серияни яхши билишади ва иккаласи ҳам «Фиорентина» ҳужумчиси Душан Влаҳовични ҳурмат қилишади. 2021 йилда Англиядаги деярли ҳар бир журналист у билан «шпорлар»ни боғлаб кўрди.
Сербнинг ҳисобида 2021 йилда 25 та гол бор. Бу лигадаги энг яхши кўрсаткич ва фақат Роберт Левандовски ва Эрлинг Холанд ундан кўпроқ гол уришган. Унинг урган голлари статистикаси Криштиану Роналдуникидан ҳам юқорироқ.
Сербни сотиб олиш осон бўлмайди, чунки 21 ёшли ҳужумчини бир қатор клублар кузатиб боришмоқда. Шу билан бирга, «Фиорентина» футболчиси учун камида 80 миллион евро сўрамоқда. Мураббий Винченсо Итальяно аллақачон ўз футболчисини мавсум охиригача қўйиб юборишни истамаслигини эълон қилган, аммо у 2023 йилда тугайдиган шартномасини узайтиришни режалаштирмагани аниқ.
Франк Кессье
Франк Кессье узоқ вақтдан бери Англияга кўчиб ўтишни ўйламоқда. У ҳатто 2016 йилда «Сандерленд»га ўтишга ҳам тайёр эди, бироқ у иш визаси учун рухсатнома ололмади.
Кессье 2017 йилда «Аталанта» билан А Серияни том маънода забт этишни бошлаб, «Милан»га ўтишга муваффақ бўлган.
24 миллион евро унинг учун кулгили сумма, энди Кессье Италия чемпионатининг энг яхши футболчиларидан бири сифатида ўйин кўрсатмоқда.
«Милан» учун муаммо шундаки, Кессьенинг шартномаси мавсум охирида тугайди ва уни узайтириш борасида ҳеч қандай ўзгаришлар йўқ.
«У ажойиб ўйинчи ва биз аллақачон тушуниб етдикки, тобора кўпроқ футболчилар бошқа жойларда анча юқори маош олиш учун шартномалари тугашини кутишни афзал кўришмоқда», деди «Милан»нинг собиқ футболчиси Массимо Амброзини Gazette dello Sport нашрига.
Гарчи унинг агенти футболчи йилига 9 миллион евро олишни хоҳлаётганини айтган бўлса ҳам унга 6,5 миллион евро таклиф қилиняпти. Футболчи бунга рози эмас, лекин ҳали ҳам вақт бор ўйлаб кўриш учун.
Кессье олти ҳафтадан сўнг бошқа клублар билан музокараларга киришиш имкониятига эга бўлади. Қишда «Милан» уни арзон нахрда сотмайдиган бўлса ёзда текинга қўйиб юборишга тўғри келади.
Кессье аввалроқ «Манчестер Юнайтед»да ўйнашни узоқ вақтдан бери орзу қилгани, аммо «шпорлар»га ўтиши мумкинлигини айтганди.
Стефан Де Врей ёки Марсело Брозович
Балки «Тоттенхэм»га Контенинг тайинланишидан ҳамма хурсанд бўлгандир, аммо «Интер»да бутунлай бошқача кайфият ҳукм сурмоқда. У ерда муаммоли вазиятлар юзага келган.
Якунда Конте икки мавсум давомида «нерадзурри» жамоасининг бир нечта аъзолари билан ниҳоятда кучли мулоқатни ўрнатгано маълум бўлмоқда. Бироқ, «Тоттенхэм» Алессандро Бастони, Николо Барелла ва Лаутаро Мартинесни сотиб олади, деган гап фақат кулгига сабаб бўлиши мумкин, холос.
«Интер» хўжайинлари иқтисодий инқироздан зарар кўрган бўлиши мумкин, аммо Бастони, Барелла ва Лаутаро яқинда клуб билан янги шартномалар имзолади ва уларнинг янги лойиҳаси учун асос бўлиб хизмат қилмоқда. Беппе Маротта «Тоттенхэм»га энг яхши ўйинчилардан бирортасини умуман сотмайди. Чунки унинг Паротичи билан ўртасида низолар бор.
Бироқ Скудетто ғолибларидан бири Шимолий Лондон жамоасига келиши ҳам мумкин.
Масалан, Стефан де Врейнинг шартномаси тугашига 18 ойдан сал кўпроқ вақт қолган, шунинг учун «Интер» 29 ёшли ярим ҳимоячи учун фойдали таклиф билан тайёрлаши керак.
Албатта, Де Врей аввалроқ «Сан-Сиро»да Конте ўрнига келган Симоне Индзаги қўл остида ўйнаган, аммо Миланда нидерландиялик футболчи жамоани тарк этиши мумкинлиги ҳақидаги гап-сўзлар кўпайиб бормоқда.
Марсело Брозовичнинг шартномаси билан боғлиқ ҳолатни ҳам жиддий кузатиб бориш керак.
Хорватиялик ярим ҳимоячи Конте қўл остида кескин ўсди ва Брозович ёмон хулқ-атвори ва тартибсиз ўйини учун қаергадир силкиниш ҳақида ўйлаганидан кейин бир неча мавсум ўтиб чемпионликни қўлга киритган жамоанинг асосий бўғинига айланди.
Илгари Брозовичдан нафратланган мухлислар энди уни ажойиб чидамлилиги ва супер паслари учун мақташади.
Бироқ, Кессье сингари, унинг шартномаси ҳам кейинги ёзда тугайди ва у ҳам клубдан катта маош талаб қилмоқда.
Агар 1 январгача шартнома тузилмаса, Брозович Контенинг янги йилга олиши мумкин бўлган энг яхши совғаларидан бири бўлиши мумкин.
Руслан Максимов тайёрлади.
