"Барселона" Дортмунднинг "Боруссия" клуби ҳужумчиси Эрлинг Холанд билан шартнома имзолашга ҳаракат қилади, аммо молиявий фейр-плей билан боғлиқ муаммолар юзага келишини истамайди, дея хабар беради "Cer Catalunya" нашри.
Каталония клуби 21 ёшли норвегияликнинг трансферини ташкил қилиш жуда қийин бўлади, деб ҳисобламоқда. Эрлингнинг товон пули 75 миллион евро. Бундан ташқари, комиссия сифатида 60 миллион евро талаб қилинади: агент Мино Райола учун 40 миллион эвро, футболчи отаси Альф-Инге Холанд учун эса 20 миллион евро тўланиши зарур.
Жорий мавсумда футболчи “Боруссия” сафида барча турнирлар доирасида 11 та ўйинда майдонга тушиб, 14 та гол урди ва 3 та голли узатмани амалга оширди.