"Зальцбург" ҳужумчиси Карим Адейеми "Барселона" қизиқишлари доирасида. "Mundo Deportivo" нашри хабарига кўра, Каталония клуби 19 ёшли германияликни сотиб олиш бўйича расмий таклиф билан чиққан.
Бироқ, "Барса" жиддий молиявий муаммоларга дуч келмоқда ва қишки трансфер ойнасида катта маблағ сарфлай олмайди. Австрия клуби эса футболчини атиги 40 миллион евро эвазига қўйиб юборишга тайёр.
2021/22 йилги мавсумда Адейеми "Зальцбург" сафида 22 та ўйинда майдонга тушиб, 15 та гол ва 2 та голли узатмага муаллифлик қилган. "Transfermarkt" портали футболчининг нархини 20 миллион еврога баҳоламоқда.
