"Zalsburg" hujumchisi Karim Adeyemi "Barselona" qiziqishlari doirasida. "Mundo Deportivo" nashri xabariga ko‘ra, Kataloniya klubi 19 yoshli germaniyalikni sotib olish bo‘yicha rasmiy taklif bilan chiqqan.
Biroq, "Barsa" jiddiy moliyaviy muammolarga duch kelmoqda va qishki transfer oynasida katta mablag‘ sarflay olmaydi. Avstriya klubi esa futbolchini atigi 40 million yevro evaziga qo‘yib yuborishga tayyor.
2021/22 yilgi mavsumda Adeyemi "Zalsburg" safida 22 ta o‘yinda maydonga tushib, 15 ta gol va 2 ta golli uzatmaga mualliflik qilgan. "Transfermarkt" portali futbolchining narxini 20 million yevroga baholamoqda.
