Дортмунднинг “Боруссия” клубининг норвегиялик ҳужумчиси Эрлинг Холанд ёзги трансферлар вақтида жамоани тарк этиш эҳтимоли 90 фоизга тенг, дея хабар берди "Sky Sports Deutschlabd" журналисти Макс Билефельд Twitter саҳифасида.
Манба берган хабарга кўра, форвард учун курашда фаворит сифатида "Манчестер Сити" ва "ПСЖ" жамоалари кўрилмоқда. Келаси ёзда норвегияликнинг шартномасидаги товон пули 75 миллион еврони ташкил қилади. Шу билан бирга, Холанднинг агенти Мино Райола ўзи учун бонус, шунингдек, Эрлинг учун йилига 50 миллион эвро маош талаб қилмоқда.
Жорий мавсумда 21 ёшли Эрлинг “Боруссия” сафида барча турнирларда 11 та ўйин ўтказиб, 14 та гол урди ва 4 та голли узатмани амалга оширди. Унинг клуб билан шартномаси 2024 йилнинг ёзига қадар амал қилади.
