Лондоннинг “Челси” клуби ҳалигача италиялик яримҳимоячи Жоржиньо билан янги шартнома имзолаш бўйича музокараларни бошламади. Бу ҳақда футболчининг вакили Жоау Сантос малум қилди.
“Ҳозирча бу борада ҳеч қандай алоқа йўқ. Ўйлайманки, клуб билан музокаралар яқин бир неча ой ичида бошланиши керак”, - деди агент.
Яримҳимоячининг лондонликлар билан амалдаги шартномаси 2023 йилнинг ўрталарига қадар мўлжалланган. Италиялик футболчи 2018 йилдан буён “аристократлар” аъзоси ҳисобланади.
Эслатиб ўтамиз, Жоржиньо “Олтин тўп-2021” соврини учун курашда учинчи ўринни эгаллаган эди.
