«Реал» «Милан» ярим ҳимоячиси Франк Кессье билан музокаралар олиб бормоқда. Бу ҳақда испан матбуоти хабар бермоқда.
Бланкос келаси ёзда Кессиени қўлга киритмоқчи. Франк «Милан» билан шартномасини узайтиришдан бош тортди ва эркин агент сифатида трансфер бозорига киришни режалаштирмоқда.
Жорий мавсумда Кессье «россонерилар» таркибида А серияда 11 та ўйин ўтказди. 24 ёшли ивуарлик футболчи ҳисобида 2 та гол бор.