Аргентина терма жамоасининг собиқ футболчиси Хавер Маскерано мамлакат ёшлар терма жамоаси бош мураббийига айланади, деб ёзди журналист Рой Немер Tvitter'да.
Манбага кўра, собиқ футболчи бу лавозимда Хосе Пекерманнинг Венесуэла терма жамоасидаги қароргоҳига келиб қўшиладиган Фернандо Батиста ўрнини эгаллайди.
37 ёшли Маскерано 2020 йилда фаолиятини якунлаган. Бу унинг биринчи мураббийлик тажрибаси бўлади. У «Ривер Плейт», «Коринтианс», «Вест Хем», «Ливерпуль», «Барселона», ва «Эстудиантес»да ўйнаган.
Бразилия ва Аргентина чемпиони, беш карра Испания чемпиони, икки карра Чемпионлар лигаси ва клублар ўртасидаги жаҳон чемпионати ғолиби. Икки карра Олимпия чемпиони, ёшлар ўртасидаги жаҳон чемпионати ғолиби, 2014 йилги Жаҳон чемпионати финалчиси ҳисобланади.
