«Арсенал» ҳужумчиси Эдди Нкетиа клуб билан шартномасини узайтиришдан бош тортди, деб хабар беради Sky Sports.
Манбага кўра, 22 ёшли инглиз футболчиси «канонирлар»нинг таклифини молиявий сабаб эмас, балки ўйин амалиётига кафолат йўқлиги сабабли рад этган. Футболчининг амалдаги шартномаси 2022 йилнинг июнь ойи охиригача амал қилади, январдан бошлаб у бошқа клублар билан музокара олиб бориши мумкин бўлади.
2021/22 йилги мавсумда Нкетиа «Арсенал»нинг 2 та ўйинида қатнашиб, ўз ҳисобига 2 та гол ёзиб қўйган. Трансфермаркт.cом портали футболчининг нархини 12 миллион еврога баҳоламоқда.
