Самарқанд шаҳар Чархин қўрғонида жойлашган «Динамо» ПФК тасарруфидаги болалар-ўсмирлар футбол мактабида сўнгги бир ойдан ортиқ вақтдан буён кенг кўламдаги ўзгаришлар амалга оширилмоқда.
Клуб ҳомийси «Agromir Buildings» томонидан мактаб административ биноси тўлиқ янгидан реконструкция қилиниб, футбол мактаби ва «Динамо» ПФК клуби учун стандарт ҳажмдаги табиий ва сунъий футбол майдони тайёрланмоқда.
Режага кўра, «Динамо» жамоаси қишки йиғинни ушбу сунъий майдонда бошлаши учун қурилиш ишлари авжига чиққан.
