«Аталанта»нинг украиналик яримҳимоячиси Руслан Малиновский бергамоликларнинг жорий мавсум А Сериядаги мақсадлари ҳақида ўз фикрлари билан ўртоқлашди.
«Ҳар бир ўйинда ғалаба қозониш учун майдонга тушамиз. Якунда қандай бўлишини биргаликда кузатамиз. Клуб ҳозирча Скудетто ҳақида ўйламаяпти. Олдимизда жуда кучли жамоалар бор.
Йилни Чемпионлар лигаси зонасида якунласак, бу Бергамо ва «Аталанта» учун катта ютуқ бўлишига ишонаман. Бу асосий мақсадимиз бўлиб турибди.
А Серия жуда қийин чемпионат. Барча жамоалар анча юқори савияда ҳаракат қилишади. Дастлабки тўртта ўрин учун рақобат жуда юқори. Биз Чемпионлар лигаси зонаси учун курашамиз», дейди украиналик футболчи.
