«Atalanta»ning ukrainalik yarimhimoyachisi Ruslan Malinovskiy bergamoliklarning joriy mavsum A Seriyadagi maqsadlari haqida o‘z fikrlari bilan o‘rtoqlashdi.
«Har bir o‘yinda g‘alaba qozonish uchun maydonga tushamiz. Yakunda qanday bo‘lishini birgalikda kuzatamiz. Klub hozircha Skudetto haqida o‘ylamayapti. Oldimizda juda kuchli jamoalar bor.
Yilni Chempionlar ligasi zonasida yakunlasak, bu Bergamo va «Atalanta» uchun katta yutuq bo‘lishiga ishonaman. Bu asosiy maqsadimiz bo‘lib turibdi.
A Seriya juda qiyin chempionat. Barcha jamoalar ancha yuqori saviyada harakat qilishadi. Dastlabki to‘rtta o‘rin uchun raqobat juda yuqori. Biz Chempionlar ligasi zonasi uchun kurashamiz», deydi ukrainalik futbolchi.
