"Тоттенхем" жамоаси бош мураббийи Антонио Конте клуб ҳимоячиси Кристиан Ромеронинг жароҳати жиддийлиги ҳақида гапириб ўтди.
"Жароҳат жиддий ва ачинарли, чунки у биз учун муҳим ўйинчи... Унга яна ўйнашни бошлаш учун кўпроқ вақт керак. Бир нарса аниқ, 2021 йилда Ромеро бошқа ўйнамайди. Балки у 2022 йилнинг январь ёки февралида қайтиши мумкин, аниқ билмайман", - деди Конте "Football Daily" нашрига берган интервьюсида.
Эслатиб ўтамиз, 23 ёшли Ромеро ЖЧ-2022 саралаши доирасидаги Аргентина – Бразилия (0:0) учрашувида жароҳат олган эди. Футболчига чап сон жароҳати ташхиси қўйилган.
Жорий 2021/2022 йилги мавсумда Кристиан АПЛда 7 та ўйин ўтказди.
