Испания чемпионати доирасидаги “Атлетик”га қарши ўйиндан сўнг “Реал” бош мураббийи Карло Анчелотти ўз футболчиларини кўрсатган ўйини учун мақтади. Мураббий бу учрашувни жисмоний муаммолар туфайли ниҳоятда қийин кечди деб атади.
“Рақиб жуда яхши ўйнашди, улар 90 дақиқа давомида шиддатлиликни сақлаб қолишди. Якунда бизга осон бўлмади. Чидамлилик устида ишлашимиз керак, футболчилар ҳал қилувчи паллада жуда чарчаб қолишди. Аммо, иккинчи томондан, улар ўзларининг жанговар фазилатларини кўрсатишди. “Реал Мадрид” муаммога дуч келганда таслим бўладиган жамоалардан эмас”, - деди Анчелотти ўйиндан кейинги матбуот анжуманида.
