«Манчестер Юнайтед» бош мураббийи вазифасини бажарувчи Майкл Каррик франциялик ҳимоячи Рафаэль Вараннинг ҳолати ҳақида гапирди.
«Вараннинг тикланиш жараёни яхши кетмоқда. У аллақачон майдонда машғулотларни бошлаб юборган.
Аммо бу ҳафта у расмий ўйинларда иштирок эта олмайди. Унинг тикланиши биз кутгандан ҳам кўпроқ вақт олади», - дейди Керрик инглиз клуби расмий сайтига берган интервьюсида.
Маълумот учун, франциялик футболчи сўнгги ўйинини 2 ноябрь куни Чемпионлар лигаси доирасидаги «Аталанта»га қарши ўтказган эди.
Жорий мавсум 28 ёшли Варан «Манчестер Юнайтед» сафида барча турнирлар доирасида 9 та ўйин ўтказиб, битта голли узатмани амалга оширди. Унинг клуб билан шартномаси 2025 йилнинг ёзига қадар амал қилади.