«Manchester Yunayted» bosh murabbiyi vazifasini bajaruvchi Maykl Karrik fransiyalik himoyachi Rafael Varanning holati haqida gapirdi.
«Varanning tiklanish jarayoni yaxshi ketmoqda. U allaqachon maydonda mashg‘ulotlarni boshlab yuborgan.
Ammo bu hafta u rasmiy o‘yinlarda ishtirok eta olmaydi. Uning tiklanishi biz kutgandan ham ko‘proq vaqt oladi», - deydi Kerrik ingliz klubi rasmiy saytiga bergan intervyusida.
Ma’lumot uchun, fransiyalik futbolchi so‘nggi o‘yinini 2 noyabr kuni Chempionlar ligasi doirasidagi «Atalanta»ga qarshi o‘tkazgan edi.
Joriy mavsum 28 yoshli Varan «Manchester Yunayted» safida barcha turnirlar doirasida 9 ta o‘yin o‘tkazib, bitta golli uzatmani amalga oshirdi. Uning klub bilan shartnomasi 2025 yilning yoziga qadar amal qiladi.