АПЛнинг 14-туридан ўрин олган «Манчестер Юнайтед» – «Арсенал» учрашуви ҳакамлар можароси билан бошланди. «Қизил иблислар» дарвозабони Давид де Хеа дарвоза чизиғида оғриқдан қийналаётганда, «канонирлар» фурсатдан унумли фойдаланиб, дарвозани ишғол қилишди. Ҳакам ВАР билан маслаҳатлашганидан сўнг, голни қабул қилди.
Эътиборлиси, «Манчестер Юнайтед» учун бу Премьер-лига ўйинларида «Олд Траффорд»да ўтказиб юборилган кетма-кет тўққизинчи гол бўлди. «Манчестер Юнайтед»да бундай тушкун статистика илгари фақат 1961 йилнинг ноябрида (шунингдек 9 та гол) кузатилган эди.
Аввалроқ манкунианликлар «Эвертон» (1:1), «Ливерпуль» (0:5), «Манчестер Сити» (0:2) билан ўйинларда гол ўтказганди.
