Мадриднинг “Атлетико” клуби раҳбарлари дарвозабон Ян Облак вакиллари билан музокараларни бошлади. Испания топ-клуби словениялик футболчи билан янги шартнома тузмоқчи, деб хабар бермоқда “Маrcа” нашри. 

Облак ўз позициясида энг яхши ўйинчилардан бири ҳисобланади, шунинг учун “матрасчилар” унинг кетишига йўл қўймоқчи эмаслар. Клуб Янга фойдали ва узоқ муддатли шартнома таклиф қилади.

Томонлар ўртасидаги амалдаги келишув 2023 йилнинг ёзида якунига етади. Трансфермаркт портали маълумотларига кўра, дарвозабоннинг бозор нархи 70 миллион еврони ташкил қилади.