Франция чемпионатининг 27-туридан ўрин олган "Лион" ҳамда "Лилль" ўртасидаги учрашувга "Манчестер Юнайтед" бош мураббийи сэр Алекс Фергюсон ташриф буюрди. Шотландиялик мутахассиснинг "Жерлан" стадионида ўтирганини француз телевиденияси ҳодимлари пайқаб қолишган.
Француз нашрларинг хабар беришича Фергюсон "Лилль"нинг 21 ёшли ярим ҳимоячиси Эден Азарнинг ўйинини шахсан кузатиш мақсадида ушбу ўйинга ташриф буюрган. Ушбу футболчи билан ҳозирги вақтда жуда кўп топ-клублар қизиқишмоқда. "Манчестер Юнайтед"ни улар қаторига киритиш мумкин.
Эслатиб ўтамиз, ўйин 2:1 ҳисобида "Лион"нинг ғалабаси билан якун топди.
