«Локомотив» футзал жамоаси аъзоси Дилмурод Шавкатов кеча «Пахтакор» дарвозасига учта гол урди. Футзалчидан мазкур ўйин ҳақидаги фикрларини сўрадик.

– Бугунги ўйин жуда оғир ўтди. «Пахтакор» яхши шаклланган, таркиби кучли футзалчилардан иборат жамоа. Ўйин давомида биз юзага келтирган имкониятларимиздан унумли фойдалана олдик. Асосий ютуғимиз шунда бўлди. Шу орқали ғалабага эришдик. Навбатдаги ўйинларда «Пахтакор»га омад тилайман.

– Жамоамиз мавсумдаги еттинчи ўйинда еттинчи ғалабага эришди.
– Бирорта ўйинимиз осон ўтмади. Баъзида ҳисобда ортда бордик, ирода, характер кўрсатдик. Олдинги мавсумларга қараганда бу йил жамоалар кучайган. Чемпионатда рақобатбардош жамоалар сони ошган. Менимча, энди бизда осон ўйиннинг ўзи бўлмайди.

– Жамоанинг умумий даражаси ҳақида нима дея оласиз?
– Аъло даражада. Идеал ҳолатда десак ҳам бўлади. Ҳар бир ўйинга тайёргарлик зўр кетмоқда. Клубдагилар футзал жамоага яхши эътибор бермоқда. Биз эса бунга натижалар билан жавоб беришга ҳаракат қиляпмиз. Жамоанинг ўйини анчагина шаклланган. Шу сабабли айни дамда биринчи ўриндамиз.

– Ушбу турдаги икки рақибимиз ҳақида нима дея оласиз?
– «Строител-Зарафшон»ни рақобатбардош жамоа дея оламан. Исталган пайтда улар рақибларини қийнаб қўйиши, бошоғриқ бўлиши мумкин. «Динамо» эса ёш футболчиларга таяниб ўйин кўрсатади. Улар билан ҳам ўйнаш осон бўлмайди.