“Милан” ҳимоячиси Синон Кьер жароҳат олди ва узоқ муддатга сафдан чиқди. Шу муносабат билан “россонерилар” раҳбарияти даниялик футболчи ўрнига ўринбосар топиш учун трансфер бозорига киришни режалаштирмоқда.
“Todofichajes” нашри хабарига кўра, олдин Каталониянинг “Барселона” жамоасида ўйнаган колумбиялик Йерри Мина Италия грандининг скаутлари томонидан нишонга олинган. 2018 йилдан шу кунгача ҳимоячи “Эвертон” сафида Англия чемпионатида тўп сурмоқда.
Томонлар трансфер бўйича дастлабки музокараларни олиб боришган. Милан клуби Минанинг ижара шартномасини кейинчалик сотиб олиш имконияти билан расмийлаштирмоқчи.
27 ёшли колумбиялик футболчи Премьер-лиганинг жорий мавсумида олтита ўйин ўтказган.