“Реал Мадрид”раҳбарияти Килиан Мбаппенинг келаси ёзда жамоага ўтишига юз фоиз ишонч билдирмоқда. Бу ҳақда АS нашри ўз саҳифаларида ёзмоқда. Мбаппенинг трансфери - вақт масаласи, чунки футболчи аллақачон “Реал”га бошқа вариантларни кўриб чиқмаётганини айтган.
Манбага кўра, Мадрид клуби келаси мавсумни Килиан Мбаппени ўз сафига қўшиб олишни режалаштирган. “Қироллик клуби” жамоаси устози Карло Анчелотти ҳужумда Винициус - Мбаппе - Бензема триосини кўришга умид қилмоқда.
Эслатиб ўтамиз, ФИФА қоидаларига биноан Килиан Мбаппага 1 январь кунидан бошлаб “Реал” билан дастлабки шартномани имзолаши мумкин. Форварднинг ПСЖ билан амалдаги шартномаси жорий мавсум охиригача ҳисобланган.
