Каталониянинг “Барселона” ва Лондоннинг “Тоттенхэм” клубларининг собиқ футболчиси Гари Линекер кеча “Манчестер Юнайтед”нинг “Арсенал”га қарши ўйинидан кейин ҳужумчи Криштиану Роналдуни ҳимоя қилди. 

Манкунианликлар “канонирлар”ни 3:2 ҳисобида мағлуб этишди ва бу ўйинда 36 ёшли португалиялик дубл қайд этди. Бу голлар КриРо учун фаолиятидаги 800 ва 801-голларига айланди.

Гари ушбу воқеага атаб Твиттерда пост жойлаштирди. Ушбу твит остига мухлислардан бири Роналдуни “Пеналду” деб атаган ва 11 метрлик масофадан кўп гол урганига шама қилди.

Линекер мухлисга қуйидаги сўзлар билан жавоб берди: “Бу жуда кулгили ва ҳурматсизлик. Роналду дунёдаги энг буюк футболчилардан бири. Криштиану - бу феномен”.

Португалиялик футболчи АПЛнинг жорий мавсумида 11 та ўйинда майдонга тушиб, 6 та гол урди.