«Манчестер Юнайтед» бош мураббийи Ралф Рангник Майкл Керрикнинг жамоани тарк этиши ҳақида фикр билдирди.
«Мен икки кун олдин Майкл билан учрашдим ва уни қолишга ишонтириш учун у билан узоқ суҳбатлашдим. Охир-оқибат, мен унинг қарорини қабул қилишим керак эди ва мен уни тушунаман. Мен ҳозирги ходимлар билан ишлашдан хурсандман, чунки менга ҳозирги жамоада уларнинг тажрибаси керак. Бир нечта мутахассисларни топишга ҳаракат қиламан. Кўп йиллик ҳамкасбларимнинг катта клублар билан шартномалари бор, шунинг учун уларни ҳозир таклиф қила олмайман», - дея BBC Sport Рангникнинг сўзларидан иқтибос келтиради.
Рангникнинг «Манчестер Юнайтед» бош мураббийи этиб тайинлангани 29 ноябрь куни маълум бўлди. Шартнома жорий мавсум охиригача ҳисобланган.
