Бугун Ральф Рангник матбуот анжуманида журналистларбилан учрашди. “Манчестер Юнайтед”нинг янги бош мураббийи қишки трансферлар борасида саволга жавоб берди.
“Биз клуб раҳбарияти билан янги футболчиларни муҳокама қилмадик. Ҳозирги таркиб билан ишлашимиз керак. Бизда футболчилар етарли. Балки Рождестводан кейин қишки трансферлар имкониятини муҳокама қилармиз, аммо тажриба шуни кўрсатадики, қишки мавсум жамоани кучайтириш учун энг яхши вақт эмас”, - деди Рангник журналистларга.
Ральф Рангник 5 декабрь якшанба куни “Манчестер Юнайтед”да дебют қилади. “Қизил иблислар” ўз майдонида “Кристал Пэлас”га қарши баҳс олиб боради.
