"Челси"нинг собиқ бош мураббийи Френк Лемпард жамоа хўжайини Роман Абрамович уни Лондон клубидан бўшатишга қарор қилганини айтди.
"Мен «Челси» мураббийи сифатидаги фаолиятим давомида Роман Абрамович билан деярли мулоқот қилмаганман. Бу керак эмас эди, мен клубдан ёрдамни ҳис қилдим. Менга жамоада ишлаш имкониятини беришганидан миннатдорман. Мени ишдан бўшатишга қарор қилган одам Роман Абрамович эди. Мен Абрамовични доим ҳурмат қилганман. У бўлмаганида мен ўзимнинг ҳозирги қулай ҳолатимни умуман топа олмасдим", - дея Лемпарднинг сўзларидан иқтибос келтиради "Daily Mail".
Эслатиб ўтамиз, 43 ёшли англиялик мутахассис 2021 йилнинг январида "Челси"ни тарк этганди. Айни пайтда жамоага Томас Тухель устозлик қилмоқда.