"Барселона" бош мураббийи Хави ярим ҳимоячи Френки де Йонгни жамоани тарк этиши мумкинлиги ҳақидаги хабарларни инкор қилди. Олдинроқ нидерландиялик футболчи қишки трансфер ойнасида испан жамоасини тарк этиши мумкинлиги ҳақида янгиликлар тарқалган эди.
“Френки де Йонг клубни тарк этмайди. Уни "Барселона"нинг асосий футболчиси деб биламиз.Раҳбарият қишки трансфер ойнасида жамоани кучайтириш устида ишламоқда. Агар янги футболчи келса, кимдир кетишига тўғри келади", - дея Хавининг сўзларидан иқтибос келтирган журналист Фабрицио Романо Twitter саҳифасида.
24 ёшли де Йонг жорий мавсум Испания чемпионатида 11 та ўйинда майдонга тушиб, 1 та гол урди ва 2 та голли узатмани амалга оширди.