Яқинда “Ливерпуль” “Барселона” марказий ҳимоячиси Роналд Араухога қизиқаётгани ҳақида хабарлар пайдо бўлди. Маълум бўлишича, бу миш-мишлар ҳақиқат ва томонлар потенциал трансфер бўйича музокараларнинг биринчи босқичини ўтказишган.
“El Nacional” нашрининг хабар беришича, мерсисайдликлар раҳбарияти испан клуби вакиллари, шунингдек, бевосита футболчининг агентлари билан боғланган. Қайд этилишича, “Ливерпуль” уругвайлик футболчининг маошини деярли икки баробарга ошириш ниятида.
Эътиборлиси, Араухо ва “кўк-анорранглилар” ўртасидаги амалдаги келишув 2023 йилнинг ёзига қадар тузилган. Натижада, “Барселона” ўз футболчисини иложи борича кўпроқ пул олиш учун январь ойида қўйиб юборишга рози бўлиши мумкин.
