"Саутгемптон" устози Хазенхюттль "Ньюкасл" ҳақида фикр билдирди. У бу ҳақда шундай дейди:

"Мен бу жамоага келганимда, бизда катта режалар, клубни баландроқ поғонага кўтариш, Еврокубокларларга боришини таъминлаш мақсади бор эди. Аммо ҳозирги ҳолатни кўриб турибсиз, лига жуда кучли. Сиз бунда кучлар нисбатини ҳам кўришингиз лозим. Бунга яққол мисол эса, "Ньюкасл". Ушбу жамоа яқиндан бошлаб мутлақо янги поғонага кўтарилиши мумкин бўлган обьектга айланди. Чунки энди уларда каттароқ ва кенгроқ молиявий имкониятлар мавжуд. Албатта, бу қувонарли ҳол. Аммо бир тарафдан одамни хавотирга солади. Чунки яна бир кучли рақиб шаклланади. Шунга қарамай, мен ўз ишимни яхши кўраман. Бу ерда, бу жамоада ва бу мураббийлар билан ишлаш шунчаки фантастик ҳис беради. Биз ўз жамоамиз мухлислари учун яхши натижаларга интиламиз".