«ПСЖ» дарвозабони Жанлуиджи Доннарумма унинг ривожланишида «Милан» ҳужумчиси Златан Ибраҳимович қандай роль ўйнаганини айтди.

«Златан мен учун жуда муҳим аҳамиятга эга. У ҳаётимнинг улкан қисми бўлиб қолади. У "Милан"га қайтгач, мен улғайдим ва ўсишга эришдим. Бу нафақат футбол маҳоратига тегишли. У менга етишмаётган қўллаб-қувватлашни берди. У қатъият, куч-қувват эгаси ва сендаги бор имкониятларини очиб бера олади. У кескин гапирганда ҳам сени яна ва яна ишлашга мажбур қилади. Дастлаб унинг сўзларини қабул қилиш қийин, кейин эса у сенинг фойданг учун гапираётганини тушунасан», — деди Доннарумма.