"Рома" бош мураббийи Жозе Моуриньо Италия чемпионатининг 16-тури доирасида бўлиб ўтган "Интер"га қарши ўйин (0:3) борасида ўз фикрини билдириб ўтди.

"Интер" одатий ҳолатда биздан кучлироқ, ноодатий ҳолатда эса анча кучли. Ўтган мавсумда "нерадзурри" "Рома"га нисбатан 29 очко жамғарганди.

Бугун коронавирус ва дисквалификациялар туфайли аҳволимиз анча оғир эди. Юзага келиши мумкин бўлган 2-3та вазиятдан фойдаланиш керак эди. Ўйинда 3та вазият яратдик, аммо гол ура олмадик.

Биз каби ҳимояси мустаҳкам йўлга қўйилган жамоа бундай голларни ўтказиб юбориши керак эмас, айниқса, биринчи ва учинчи голларни осон қўйиб юбордик.

Рефери яхши ишлади. Кристантега сариқ карточка берса ҳам бўларди. Бизнинг клуб А сериядаги энг интизомсиз жамоа. Сариқ карточкалар борасидаги статистикамиз ажойиб.

"Интер"ни табриклайман ва "Реал"га қарши ўйинда омад тилайман. Барчага раҳмат", – деди Моуриньо.