Германияда “Динамо” (Дрезден) деган клуб бор. Бир пайтлари “Спорт” телеканалида кубок доирасидаги ўйинин олиб берган эди. Ўша клуб ёмон пихини ёрган экан, федерация томонидан навбатдаги ўйинини томошабинсиз ўтказиши керак эди, лекин улар 41 минг чипта сотишди. Ёқангизни қўйиб юборинг, фирибгарлик қилишмади. Бу таклиф мухлисларнинг ўзидан чиқди. Мухлислар федерациянинг қарорига шунақа тарзда норозилигини билдиришди ва рамзий чипталарни сотиб олиш учун турна қатор бўлишди.

Гап шундаки, ўтган йилнинг 25 октябр куни “Боруссия” (Д) билан бўлган Германия кубоги доирасидаги учрашувда клуб мухлислари рақиб ишқибозлари ва полиция билан даҳанаки жанг ўтказишган эди ва бунинг касрига “Динамо” кубокдан четлаштирилди. Ўлганнинг устига тепгандек, 100 минг евро жарима ва бир ўйинни мухлисларсиз ўтказиши керак эди. Мухлисларнинг виждони қийналди шекилли, бу кампания орқали бир савоб иш қилишмоқчи-да, нима дейсиз энди.