Лондоннинг «Челси» клуби бош мураббийи Томас Тухель жамоасининг «Вест Хэм» билан дербидаги омадсизлиги ҳақида фикр билдирди. «Кўклар» якунда 2:3 ҳисобида мағлуб бўлди ва турнир жадвалидаги пешқадамлигини қўлдан бой берди.

«Мен футболчиларнинг чарчагани билан натижаларимизни оқлай олмаймиз. Баҳоналар ўтмайди. Бу лигада қиш олдидан чарчоқ ҳар қандай клуб учун ҳам одатий ҳол.

Бу ерда савол консентрацияда, энг кичик деталларда, дақиқаларни бошқариш ва хавфли ҳужумларни самарали ҳал қилиш қобилиятида. Қайси вазиятда таваккал қилиш мумкин ва қачон бу бутунлай мумкин эмаслигини тушунишимиз керак эди. Афсус, буни уддалай олмадик», - дея Тухелнинг сўзларидан иқтибос келтиради «Челси» матбуот хизмати.

Эслатиб ўтамиз, 15-тур якунларига кўра, «Челси» Англия Премьер-лигаси турнир жадвалида учинчи ўринга тушиб кетди.