"Женоа" бош мураббийи Андрий Шевченко Италия чемпионати 16-туридан ўрин олган "Ювентус"га (0:2) қарши ўйин ҳақида ўз фикрларини билдириб ўтди.
"Тўғрисини айтсам, бугун асосий таркибни танлаш қийин бўлди. Биз ўйинда қолишга ҳаракат қилдик ва буни 80-дақиқагача уддаладик. Жамоа жуда кўп ишлади, позицияларни ўзгартириши, ўйинчиларни турли ролларга қўйиши керак эди. Ҳа, биз гол уриш учун ҳеч қандай вазият яратмадик, лекин бир неча бор уринишлар бўлди, айниқса иккинчи бўлимда.
Айни дамда жароҳат олган футболчиларимиз бизга катта муаммолар туғдирмоқда, шунинг учун биз уларни тезроқ сафга қайтариб, савиямизни оширишга умид қиламиз. Биз бу жароҳатларсиз ҳам олдидан ҳам қийин ўйин бўлишини билардик, аммо ишонишимиз, бирлашишимиз ва бир-биримизга ёрдам беришимиз керак", - деди Шевченко "DAZN" телеканалига берган интервьюсида.
