“Ливерпуль” бош мураббийи Юрген Клопп “Реал” футболчисини жамоасида кўрмоқчи. “El Nacional” нашри журналистлари хабарига кўра, мутахассис германиялик яримҳимоячи Тони Кроосни “Энфилд”га олиб кетмоқчи.
Мерсисайдликлар 31 ёшли футболчининг “қироллик клуби” билан амалдаги шартномаси 1,5 йилдан кейин тугашидан унумли фойдаланишлари мумкин. Испания гранди Крооснинг трансферидан нақд пул олиш учун уни қўйиб юборишга тайёр.
Тони 2014 йилдан бери “Реал”да ўйнаб келмоқда. Трансфермаркт портали экспертларининг фикрича, тажрибали яримҳимоячининг нархи 30 миллион еврони ташкил қилади.
