“Интер” ҳужумчиси Хоакин Корреа “Реал”га қарши Чемпионлар лигаси гуруҳ босқичининг 6-тури доирасидаги ўйинни ўтказиб юборади. Бу ҳақда "Football Italia" нашри хабар тарқатди.
Маълумотларга кўра, 27 ёшли аргентиналик футболчининг сон мушакларида муаммолар мавжуд.
Эслатиб ўтамиз, ҳужумчи Италия чемпионатининг 16-туридан ўрин олган “Рома”га қарши ўйинда (3:0) жароҳат олган эди. Корреани ўйиннинг 59-дақиқасида алмаштирилди.
Қайд этиш жоиз, "Реал" - "Интер" учрашуви 7 декабрь куни бўлиб ўтади. Учрашув Мадриддаги "Сантяго Бернабеу" стадионида Тошкент вақти билан 01:00 да бошланади.
