“Наполи” ҳужумчиси Лоренцо Инсиньенинг агенти мижозининг шартномасини узайтириш борасидаги ишлар ҳақида гапирди.
“Қабул қилиб бўлмайдиган таклиф киритилди. Аммо бу биз музокаралар олиб бормаяпмиз, дегани эмас. Лоренцо "Наполи"ни ушлаб турибди. Кўп йиллар давомида у бир жамоанинг энг яхши футболчиси бўлган. Менимча, унга ўхшаган қаҳрамонни топиш жуда қийин", - дея агентнинг сўзларидан иқтибос келтирган "Football Italia" нашри.
Эслатиб ўтамиз, 30 ёшли италиялик ҳужумчи 2010 йилдан буён "Наполи"да ўйнаб келмоқда. У жорий мавсум А Сериянинг 13 ўйинида 4 та гол ва 5 та голли узатмани амалга оширди. Унинг "Наполи" билан амалдаги шартномаси 2022 йилнинг ёзига қадар мўлжалланган.
