Фаолиятида қийин босқични бошидан ўтказаётган ҳужумкор яримҳимоячи Гарет Бэйл “Реал”ни тарк этиши мумкин.
“Fichajes” нашри хабарига кўра, 32 ёшли вингер Туманли Альбионга қайтиши мумкин. Гарет аввалроқ ўйнаган Лондоннинг “Тоттенхем” клуби футболчининг хизматларига қизиқиш билдирмоқда.
“Шпорлар” раҳбарияти Бэйлни қайтаришга тайёр, аммо жамоа бош мураббийи Антонио Контенинг розилигини олмоқчи. Мутахассис трансферни маъқулласа, келишув январь ойида амалга ошади.
Тажрибали футболчининг “қироллик клуби” билан шартномаси 2021/2022 йилги мавсум охирида якунига этади. Жорий Ла Лигада у учта ўйин ўтказиб, битта гол урган.
