“Todofichajes” нашрининг хабар беришича, Каталониянинг “Барселона” раҳбарияти “Реал Сосьедад” яримҳимоячиси Аднан Янузайни сотиб олмоқчи.

Эслатиб ўтамиз, футболчи ва клуб ўртасидаги амалдаги шартнома 2022 йилнинг июнига қадар тузилган, шундан сўнг у эркин агент мақомини олади.

“Кўк-аноррранглилар” ёзни кутмаслиги мумкин. “Барса” январь ойида 26 ёшли яримҳимоячининг трансфери борасида келишиб олишади. Футболчи янги харидорга 12 миллион еврога тушади. 

“Барселона”нинг молиявий муаммоларини ҳисобга олсак, улар 12 миллионни тўлай оладими, ёки йўқми, номаълум.