Миш-мишларга кўра, “Интер” мавсум олдидан жамоани қабул қилиб олган Симоне Индзаги билан шартномани узайтириш устида ишламоқда. Мутахассис янги шартнома ҳақидаги саволга жавоб берди.
“Журналистлар бу ҳақда газеталарда ёзишади, лекин ҳозир менда бошқа вазифа бор. Менинг вазифам – “Реал”га қарши ўйин”, - деди Индзаги.
“Биз футбол нима эканлигини биламиз. Шундай пайтлар бўладики, ҳаммаси яхши, кейин ютқазиб қўясан, сени мақтаган биринчи бўлиб танқид қилади. Бу футболнинг бир қисми, дунёмизнинг бир қисми. Биз фақат кейинги ўйин ҳақида ўйлаган ҳолда ишлашда давом этишимиз керак”, - деди “нерадзуррилар” устози.
