"Челси" ярим ҳимоячиси Мэйсон Маунт Англия чемпионати 15-турида "Вест Хэм"дан учралган мағлубият (2:3) ҳақида гапирди.

“Биз уч очко учун ўйнаймиз ва жадвалнинг биринчи қаторида бўлишни хоҳлаймиз, аммо бу сафар ҳеч нарса қила олмадик. Охирги икки ўйинда авваллари ўзимиз йўл қўймаган хатоларга йўл қўя бошладик. Биз рақибга унчалик имконият бермайдиган жамоа эдик, лекин сўнгги ўйинда биз учта гол ўтказиб юбордик. Буни таҳлил қилиш керак.

Мураббий айтганидек, балки бу шунчаки сафардаги мағлубиятдир, аммо футболчилар ўзларини йиғиштириб, кейинги ўйинда ўз савиясини кўрсатиши керак. Биз ўзимизни тиклашимиз керак, чунки ғалабалар йўлига қайтиш жуда муҳим", - деди Маунт.