"Chelsi" yarim himoyachisi Meyson Maunt Angliya chempionati 15-turida "Vest Xem"dan uchralgan mag‘lubiyat (2:3) haqida gapirdi.
“Biz uch ochko uchun o‘ynaymiz va jadvalning birinchi qatorida bo‘lishni xohlaymiz, ammo bu safar hech narsa qila olmadik. Oxirgi ikki o‘yinda avvallari o‘zimiz yo‘l qo‘ymagan xatolarga yo‘l qo‘ya boshladik. Biz raqibga unchalik imkoniyat bermaydigan jamoa edik, lekin so‘nggi o‘yinda biz uchta gol o‘tkazib yubordik. Buni tahlil qilish kerak.
Murabbiy aytganidek, balki bu shunchaki safardagi mag‘lubiyatdir, ammo futbolchilar o‘zlarini yig‘ishtirib, keyingi o‘yinda o‘z saviyasini ko‘rsatishi kerak. Biz o‘zimizni tiklashimiz kerak, chunki g‘alabalar yo‘liga qaytish juda muhim", - dedi Maunt.
