“ПСЖ”нинг аргентиналик ҳужумчиси Лионель Месси Чемпионлар лигасидаги голлари сонини 125 тага етказди.
Месси гуруҳ босқичининг 6-турида “Брюгге” билан ўйинда (4:1) дубль қайд этди. Европанинг клублар миқиёсидаги энг кучли мусобақасидаги голлари сони бўйича футболчи 140 марта рақиблар дарвозасини ишғол қилган португалиялик ҳужумчи “Манчестер Юнайтед” Криштиану Роналдудан кейин иккинчи ўринда бормоқда.
Жорий мавсумда 34 ёшли форвард "ПСЖ" сафида барча турнирлар доирасида 14 та ўйин ўтказиб, 6 та гол урди ва 3 та голли узатмани амалга оширди. Унинг клуб билан шартномаси 2023 йилнинг ёзига қадар амал қилади.
