"Манчестер Юнайтед" ЕЧЛ доирасидаги "Янг Бойз"га қарши баҳсга академия футболчиларини жалб қилмоқда. Сўнгги хабарларга кўра, Рангник ёшлардан бир нечта футболчиларни ўйин учун қайдномага киритган.
Жумладан, ҳимоячи Бёрн Хардли, ярим ҳимоячилар Чарли Севеж, Чарли Уелленс, Сем Матер, Зидан Иқбол ҳамда ҳужумчи Шола Шортайрлар қайднома рўйхатидан жой олган. "МЮ"нинг 19 ёшгача бўлган жамоаси аъзолари бу мавсумда УЕФА ёшлар лигасида яхши иштирок этмоқда.
Жамоа аллақачон турнирнинг плей-офф босқичи йўлланмасини қўлга киритган. Аввалроқ Рангник Неманя Матич жамоага сардорлик қилиши ҳамда Дин Хендерсон ва Ван де Беклар асосийда майдонга тушишини тасдиқлаган эди.
