Мадриднинг «Атлетико» клуби бош мураббийи Диего Симеоне Чемпионлар лигасидаги ҳал қилувчи учрашув арафасида жамоа дуч келган қийинчиликлар ҳақида гапирди.

Мураббий асосий этиборни кадрлар муаммосига қаратди. Улар, айниқса, ҳимоя чизиғида яққол кўзга ташланди.

«Бугун футболчилар қийинчиликларга дош бера олишди. Биздаги тўртта марказий ҳимоячидан кеча учтаси йўқ эди. Врсалько ва Кондогбиаларнинг ажойиб ўйинлари бизга ғалабага эришишга катта ёрдам берди. Голлар, қарши ҳужумлар, якка курашлар ва ажойиб сейвлар билан супер ўйин ўтказдик.

Рақиб дуранг ўйнаб, масалани ҳал қилиши ҳам мумкин эди. Бу жуда рақобатбардош жамоа. Биз иккинчи бўлимни режадагидек ўтказдик ва мақсадга эришдик», - дейди Симеоне.