«Порту» мухлислари Чемпионлар лигаси гуруҳ босқичи 6-туридан ўрин олган «Атлетико»га қарши ўйинда (1:3) испаниялик шарҳловчиларга ҳужум қилишди. Воқеа трансляция вақтида юз берди, деб ёзади Марcа.
«Атлетико» иккинчи бўлимнинг қўшимча дақиқаларида учинчи голни урганидан сўнг, мухлислар Алваро Бенито, Хосе Санчис ва Густаво Лопеснинг шарҳлар кабинасига кириб кетишди.
Мухлисларни тинчлантиришга ва хавфсизликни чақиришга уринган шарҳловчиларнинг сўзлари эфирга узатилди. Шундан сўнг, трансляцияни бир муддат тўхтатишга тўғри келди.
Шарҳловчилар кейинроқ «бундай нарсага илгари ҳеч қачон дуч келмаганликларини» айтишди.
