«Манчестер Юнайтед» ярим ҳимоячиси Неманя Матич Ралф Рангник билан ҳамкорлик бошлангани ҳақидаги таассуротлари билан ўртоқлашди.

"Aлбатта, ҳар бир мураббийнинг ўзига хос ғояси, ўзига хос хусусиятлари бор. Биз янги мураббий билан ишлашга имкон қадар тезроқ мослашишга ҳаракат қилмоқдамиз ва у ўз навбатида бизнинг имкониятларимизни тезда тушуниб олмоқчи. Машғулотларга кўп вақтимиз йўқ, чунки ҳар уч кунда ўйинлар бўлиб туради, лекин нолимаймиз.

Биз аста-секин Рангникнинг ғояларини ўрганмоқдамиз, босқичма-босқич ҳаракат қиламиз. «Янг Бойз» билан бугунги ўйиннинг турнир аҳамияти йўқлиги яхши, бизда босим сезилмаяпти. Албатта, биз Чемпионлар лигаси гуруҳ босқичининг сўнгги ўйинида ғалаба қозонишни истаймиз, айниқса «Олд Траффорд»да мухлисларимиз қаршисида ўйнаймиз", - деди Матич.