«Manchester Yunayted» yarim himoyachisi Nemanya Matich Ralf Rangnik bilan hamkorlik boshlangani haqidagi taassurotlari bilan o‘rtoqlashdi.
"Albatta, har bir murabbiyning o‘ziga xos g‘oyasi, o‘ziga xos xususiyatlari bor. Biz yangi murabbiy bilan ishlashga imkon qadar tezroq moslashishga harakat qilmoqdamiz va u o‘z navbatida bizning imkoniyatlarimizni tezda tushunib olmoqchi. Mashg‘ulotlarga ko‘p vaqtimiz yo‘q, chunki har uch kunda o‘yinlar bo‘lib turadi, lekin nolimaymiz.
Biz asta-sekin Rangnikning g‘oyalarini o‘rganmoqdamiz, bosqichma-bosqich harakat qilamiz. «Yang Boyz» bilan bugungi o‘yinning turnir ahamiyati yo‘qligi yaxshi, bizda bosim sezilmayapti. Albatta, biz Chempionlar ligasi guruh bosqichining so‘nggi o‘yinida g‘alaba qozonishni istaymiz, ayniqsa «Old Trafford»da muxlislarimiz qarshisida o‘ynaymiz", - dedi Matich.
