"Марсель" ярим ҳимоячи Бубакар Камара билан шартномани узайтириш борасида музокаралар олиб бормоқда, дея хабар беради журналист Николо Скира.
Маълумотларга кўра, клуб 22 ёшли франциялик футболчига 2026 йилгача мўлжалланган шартнома таклиф қилмоқда. Ноябрь ойида футболчига "Бавария" ва "Барселона" клублари қизиқиш билдираётгани хабар қилинганди.
Жорий мавсум Камара француз клуби сафида 17 ўйинда майдонга тушиб, битта гол урди. "Transfermarkt" портали футболчининг нарҳини 28 миллион еврога баҳолаган.